Қашқадарё вилоятида ишга кирмоқчи бўлган қизга “постель” таклиф қилинди. Бу ҳақда Насафньюс нашри хабар қилди.
Маълум бўлишича,вилоятда яшовчи қиз Қашқадарё вилоят ўрмон хўжалиги бошқармасига ишга кирмоқчи бўлган. Лекин у ташкилотда 5 ой фаолият юритган бўлишига қарамай расман ишга олинавермаган. Шундан сўнг ташкилот раҳбари мухбир қизни Шаҳрисабздаги «Ёшлар фестивали»ни ёритишни таклиф қилиб, уни Қарши шаҳридан ўз машинасида олиб кетишини билдирган. Қиз унга рози бўлиб раҳбарнинг машинасида Шаҳрисабз томон йўл олган. Фурсатдан фойдаланиб қиз раҳбардан нега ҳалигача ишга қабул қилинмаганини сўраганда раҳбар унга «мен билан бир кеча қоласизми?» дея таклиф берган. Қиз мансабдорнинг ҳайдовчиси ёнида ушбу таклифни билдирганини эшитиб, нияти жиддий эканини англаган ва ўша ерда тушириб қолдиришни сўраган.
Нашрнинг ёзишича ҳодисадан сўнг қиз ўрмон хўжалиги давлат қўмитаси матбуот котибига бўлган воқеани айтиб берган. Бунга жавобан матбуот котиб бошқарма бошлиғининг укаси «катта жойда ишлашини» ва тинч юрмаса ўзига қийин бўлишини айтган.
Нашр мухбирлари матбуот котиб билан ҳам боғланганда у вазиятдан хабардор эканини, бу бўйича боқшарма бошлиғи билан гаплашганини ва масалани тўлиқроқ ўрганишини маълум қилган.
