Тошкент шаҳар ИИББ ушбу видеомурожаат юзасидан муносабат билдирди. Маълум бўлишича, шу йил 17 июнь куни собиқ хонанданинг укаси Атажанов Алишер Сапарбаевич давлат рақами 01/835 МНА бўлган “Gentra”ни бошқарув ҳуқуқини берувчи хужжатлари бўлмаган ҳолда автотранспортни бошқариб бораётганда тўхтатилган. Таъкидланишича, айни вақтда ушбу автомобиль тегишли хужжатлар тақдим этилмаётганлиги сабабли вақтинча жарима майдончасида сақланмоқда.
Бошқарманинг ёзишича, ҳозирда собиқ хонанда ўзининг давлат органлари хизматчиларига нисбатан ҳақоратомуз видеочиқишлари орқали яқинларининг ҳуқуқбузарликларини яшириш, ўзининг маиший муаммоларига омма эътиборини тортишга уринишлари номоён бўлмоқда.
Мазкур фуқаронинг ҳаракатларида туҳмат ва ҳақорат қилиш аломатлари мавжуд бўлганлиги сабабли, ҳолатга тегишли тартибда ҳуқуқий баҳо берилади ва жамоатчиликка қўшимча равишда ахборот тақдим этилади, – дейилади бошқарма ахборотида.
