Қашқадарё вилояти Чироқчи туманида бемордан 5 минг сўраган тиббиёт ходими ишдан ҳайдалди. Бу ҳақда EVERYDAY.UZ мухбири хабар қилди.
Маълум бўлишича, Чироқчи тумани тиббиёт бирлашмаси юқумли касалликлар шифохонаси кундузги муолажа фельдшери Ғ.А. бемордан касаллик тарихи очиш учун 5000 сўм сўраган. Шундан сўнг фуқаро ушбу ҳолатни ижтимоий тармоқларга олиб чиққан. Фуқаро ўз видеомурожаатида тиббиёт ходимининг ушбу хатти-ҳаракатидан норози эканини ҳамда бўлимда санитария талабларига риоя тўлиқ риоя этилмаётганлигини айтган.
Мазкур ҳолат тўлиқ ўрганилган ва унинг натижасига кўра пул талаб қилган ходим билан тузилган меҳнат шартномаси бекор қилинган.
