Юртимизга навбатдаги "Спутник V" вакцинасининг 40 минг дозалик 1-компоненти етиб келди. Бу ҳақда EVERYDAY.UZ мухбири хабар қилди.
Маълум бўлишича, вакцина бугун тунда олиб келинган. ССВнинг маълумот беришича, 1 июнь куни юртимизга "Спутник V" вакцинасининг навбатдаги 70 минг дозалик 1-компоненти, 10 июнда 70 минг дозалик 2-компоненти келтирилган бўлган. Апрель ойида эса мазкур вакцинанинг 100 минг дозаси келтирилган бўлиб, унинг 50 минг дозаси 1-компонент, 50 минг дозаси 2-компонент эди.
Шундай қилиб, юртимиздаги "Спутник V" вакцинаси захираси 280 минг дозага етди. Яқин кунларда вакцинанинг навбатдаги 40 минг дозалик 2-компоненти олиб келиниши кутилмоқда.
Таъкидлаш жоиз, жами вакцина захирамиз 7 миллион 440 минг дозани ташкил қилмоқда.
