Бош прокуратура Тошкентда топилган 1 миллион долларлик хазина бўйича янги маълумотларни ошкор қилди

24-02-2019, 12:17
Жамият
Бош прокуратура Тошкентда топилган 1 миллион долларлик хазина бўйича янги маълумотларни ошкор қилди
Бош прокуратура Тошкент шаҳрида қиймати 1 миллион АҚШ долларига тенг тарихий қимматбаҳо буюмлар топилганлиги бўйича маълумот берди. Бу ҳақда "Халқ сўзи" Бош прокуратура матбуот хизмати ахборотига таяниб хабар бермоқда.

19 январь куни Миллий университетининг 4-босқич талабаси Муҳаммадбобур Юсупов Тошкент шаҳрида қиймати 1 миллион АҚШ долларга тенг бўлган тарихий қимматбаҳо буюмлар топилгани ҳақида хабар берганди.

Маълум бўлишича, келтирилган топилмаларнинг аксарияти XIX асрга мансуб бўлиб, уларнинг деярли барчаси Ўзбекистон Миллий университетининг музейи ходими Муҳаммадбобур Юсупов томонидан сўнгги 2-3 йил давомида университетдаги профессор олимлардан музей учун олинган, ушбу ашёларда уларнинг университетга тегишлилигини тасдиқловчи муҳрлар мавжудлиги ҳамда келтирилган 8 кг олтин эса ҳақиқатда топилмаганлиги аниқланган.

Бундан ташқари, Муҳаммадбобур Юсупов 2018 йилда Бош вазир Абдулла Ариповга мурожаат қилиб, Тошкент давлат юридик университети (олдинги ОДО биноси ертўласида) ва Тошкент шаҳридаги Халқаро Вестминстер университети ертўласида тарихий бойликлар мавжудлигини маълум қилган. Унинг мурожаатидан сўнг ишчи гуруҳ тузилиб объектларда археологик қидирув ишлари олиб борилган. Бироқ ўрганиш натижасида тарихий бойликлар топилмаган.

Ўзбекистон Миллий университети раҳбарияти 25 январда Муҳаммадбобур Юсупов билан суҳбат ўтказган. Ушбу суҳбатда Муҳаммадбобур Юсупов Романовлар сулоласига тегишли бўлган тарихий бойликлар жойлашган жойнинг харитаси борлиги ва бу ҳақдаги маълумотларни фақатгина Ўзбекистон Президенти Шавкат Мирзиёевга ёки Бош вазир Абдулла Ариповга тақдим қилишини билдирган.

Юқорида қайд этилган объектларда Давлат хавфсизлик хизмати ходимлари томонидан ҳам ўрганиш ўтказилган, бироқ бирор-бир тарихий аҳамият касб этувчи бойликлар топилмаган.

Ўзбекистон Миллий университети томонидан 2019 йилнинг 25 январида 17 турдаги топилмалар Қимматбаҳо металлар агентлигига вақтинча сақловга топширилган. Ҳозирги пайтда уларнинг тарихийлиги ва ҳақиқий қиймати ўрганилмоқда.
ТЕЛЕГРАМДАГИ КАНАЛИМИЗ: https://t.me/EVERYDAY_uz

МУНОСАБАТ БИЛДИРИШ

Сўнгги янгиликлар

ИИББ: Автомобиллар ёнишига кундузи ёқиб юрилган чироқлар айбдор эмас

Тошкент шаҳар ИИББ сўнгги кунларда ижтимоий тармоқларда автомашиналар ёниб кетаётгани билан боғлиқ видеолар тарқалишига...
18-05-2019, 15:54
/ Муҳокамалар +3

Бухорода ўғил ўз отасини нега ўлдиргани маълум бўлди. Ота келинига шилқимлик қилган

2018 йилда ОАВда дахшатли хабар тарқалди. Ўша пайтда Бухорода ўғил отасини белкурак билан уриб ўлдиргани маълум бўлган...
18-05-2019, 15:33

Ирригация институти талабаси учинчи қаватдан қулаб тушди (+воқеа жойидан видео)

Тошкент ирригация ва қишлоқ хўжалигини механизациялаш муҳандислари институти талабаси бугун, 17 май санасида ўқув...
17-05-2019, 15:36

Депутатлар Вазирлар Маҳкамаси ва Ички ишлар вазирлигидан кундузи чироқ ёқиб юриш қоидасини бекор қилишни сўрашди

Олий Мажлис Қонунчилик палатаси депутатлари Расул Кушербаев, Абдурашид Абдуқодиров, Жамшид Пирматовлар Вазирлар...
17-05-2019, 14:49
/ Муҳокамалар +4

Ўзбекистон халқ артисти Ортиқ Отажонов вафот этди

Ўзбек маданияти ва санъати оғир жудоликка учради. Бугун 2019 йил 17 май санасида Ўзбекистон, Туркманистон ва...
17-05-2019, 14:31
/ Муҳокамалар +9