Ғаниев аҳолини эмлашда мажбурлашга қарши эканини, лекин бу йўналишда таъқиқ ва рағбатлантириш комбинациясидан фойдаланиш зарурлигини айтган. У вакцина олганларга тўлов ёки хизматлардан имтиёзлар, қўшимча дам олиш кунлари, турли хил ютуқли лотореялар ёки пулсиз кўринишдаги бошқа мукофотлар тақдим этиш мумкинлигини таъкидлаган.
Депутат шунингдек, 2021 йил 1 октябргача пуллик хизмат кўрсатиш ва савдо соҳасида ишловчиларнинг камида 70 фоизини вакцинация қилиш кераклигини айтган. Ғаниев шу билан бирга, вакцина олмаганларни самолёт ва поездларга чиқрмаслик, оммавий тадбирлар, спорт мусобақаларига ҳамда савдо марказларига киритмаслик керак деган таклифни илгари сурган.
Аслида вакцина олганларга 2022-йилгача тонировкани бепул қилинса, менимча, 1 ҳафтани ичида камида 2 млн одам вакцина олган бўларди, – дейди Ғаниев.