Пойтахт метросида чироқ ўчиб қолган фото ва видеолар тармоқларда кенг тарқатилди, дея хабар қилди EVERYDAY.UZ мухбири.
Маълум бўлишича, бугун, 7 июль куни соат 12:55 дан 13:05 гача Тошкентнинг аксарият қисмида чироқ бўлмаган ва шу сабабга кўра метрода ёритиш ускуналари, эскалаторлар, турникетлар ишламаган. Таъкидланишича, ушбу ускуналарнинг барчаси шаҳар (электр тармоқлари)га уланган. Лекин шундай бўлсада метро ҳаракати тўхтмаган. Метро таъминоти алоҳидалиги маълум қилинди.
«Тошкент метрополитени» матбуот хизмати келтирилган ноқулайликлар учун узр сўраган.
