Ветеринария ва чорвачиликни ривожлантириш давлат қўмитаси мамлакатимизда ҳайвонларни идентификация қилиш бўйича амалга оиширилаётган ишлар ҳақида маълумот берди, дея хабар қилди EVERYDAY.UZ мухбири.
Маълум бўлишича, бугунги кунгача чорвачилик хўжаликларига тегишли ҳайвонларнинг 160 мингдан ортиғи идентификация қилинган. Улар ҳақида маълумот VIS-CHINOR ягона базасига жойлаштириб борилади.
Маълумот ўрнида, юртимизда барча ҳайвонлар босқичма-босқич идентификация қилиб борилади. Ҳайвонларга қулоқ учун бирка (йирик ва майда шохли қорамол, туя ва чўчқаларда), тавро ёки клейма (от ва эшаклар), жетонларда (кучук ва мушуклар) акс эттирилувчи индивидуал рақам берилади. Уларни идентификация қилиш пулли бўлади.
– ҳар бир қорамол, от, эшак ва туялар учун – БҲМнинг 2 фоизи;
– ҳар бир қўй, эчки ва чўчқалар учун – БҲМнинг 1,5 фоизи;
– ҳар бир ит ва мушуклар учун – БҲМнинг 1 фоизи тўланади.
