“Пул бераман, деб қанча одамни йиғиш мумкинлигини кимлардир текшириб кўрди” – Алишер Қодиров ёшларнинг тўплангани юзасидан

Хабар қилганимиздек кеча россиялик блогер Тошкентнинг Амир Темур ҳиёбонига ёшларни йиғди. У ўзининг тармоқлардаги саҳифасида учрашувга келганларга пул беришини айтган ва шунинг ортидан ҳиёбонга 150-200 нафар ёшлар йиғилган.

EVERYDAY.UZ мухбирининг маълум қилишича, Миллий тикланиш раҳбари Алишер Қодиров ушбу ҳолатга муносабат билдирган. Қодиров буни провокация дея баҳолади.

Пул бераман, деб қанча одамни йиғиш мумкинлигини кимлардир текшириб кўрди.

Пул учун давлати, ғурури ва шарафидан билиб ё билмай кечадиганларни таҳминан қанча эканлигини биз ҳам билиб олдик, – дейди Қодиров.

Қодиров бундай “ўйинчоқлар” аввал ҳам бўлганини, бугун ҳам борлигини ва бундан кейин ҳам бўлишини таъкидлади.

Тарбия ва таълим тизими ақли расо ва тафаккури тирик янги авлодни тайёрлаб бермас экан тараққиётимизга таҳдидлар ўзимиздан чиқаверади, – дея қўшимча қилди у.