Самарқанд давлат университети Ўзбекистон-Финляндия педагогика институти директорининг ўқув ишлари бўйича ўринбосари тайинланди. Бу ҳақда университет матбуот хизмати хабар қилди.
Маълум бўлишича, Олий ва ўрта махсус таълим вазирининг 2021-йил 23-июлдаги буйруғига асосан, Самарқанд давлат университети Ўзбекистон-Финляндия педагогика институти директорининг ўқув ишлари бўйича ўринбосари лавозимига профессор Бегматов Акрам Хасанович тайинланган. Таъкидланишича, Акрам Бегматовга институт директори вазифасини вақтинча бажариш вазифаси ҳам юклатилган.
Маълумот учун, Акрам Бегматов 1959-йилда Самарқанд шаҳрида туғилган. Физика-математика фанлари доктори, профессор.
2017-йилдан Самарқанд давлат университети математика факултети декани лавозимида ишлаган.