Ижтимоий тармоқларда эркак ЙПХ ходимларидан қочаётгани акс этган видео тарқалди. Пойтахт ИИББ ҳодисага изоҳ берди.
Мавжуд маълумотларга кўра, 29 август куни соат 23:30ларда Чилонзор тумани Бунёдкор кўчасида ЙПХ ходимлари Спарк автомашинасини тўхтатган. Транспорт воситасини текшириш жараёнида 30 ёшли ҳайдовчи воқеа жойидан қочишга уринган. Тезкор тадбир давомида ҳайдовчи ушланган.
Таъкидланишича, синчковлик билан текширилганда автомобилдан ўткир хидли, гиёҳвандлик моддасига ўхшаган нарса топилган. Ушбу ҳолат юзасидан тегишли ҳужжатлар расмийлаштирилган.
