Тошкент шаҳрида гиёҳвандлик моддалари сотуви билан шуғулланган йигит ушланди. Бу ҳақда EVERYDAY.UZ мухбири хабар қилди.
Маълум бўлишича, йигит бу ишни OLX.uz интернет сайти орқали топган. У гиёҳвандлик моддаларини керакли жойларга беркитиб қўйиши керак бўлган. “Мижоз” эса ўша беркитилган жойдан моддани олиб кетган. Йигитга ушбу хизмати учун ҳақ тўланган. У ашёвий далиллар билан ушланган. Йигит қўлга олинган вақтда яна 8 та жойга шундай моддаларни яшириб қўйишга улгургани маълум бўлган.
Унга нисбатан ЖКнинг 273-моддаси 5-қисми билан (гиёвандлик воситалари, уларнинг аналоглари ёки психотроп моддаларни кўп миқдорда қонунга хилоф равишда сотиш) жиноий иш қўзғатилган. Йигит ҳибсга олинган. Таъкидланишича, ушбу модда билан айбланган фуқаро 10 йилдан 20 йилгача қамалиши мумкин.
