Янги ўқув йили очилиш маросимида Самарқанд давлат университети ўқув ишлари бўйича проректори, профессор Аҳмаджон Солиев нутқ сўзлаб, барча ёшларни талабалик бахтига муяссар бўлгани билан мубаракбод этди. Уларга янги ўқув йилида янги марралар, натижаларга эришини тилаб, ўқув йилини расман очди.
Тадбирда сўз олганлар, юртимизда сўнгги йилларда таълим тизимида олиб борилаётган ислоҳотларнинг амалий натижаси сифатида қабул квоталарнинг ошганлиги, алоҳида имтиёзларнинг жорий этилганлиги, таълим сифатида бўалётган ўзгаришлар ҳақида алоҳида таъкидлади.
- Самарқанд давлат университети тарих факультетига давлат гранти асосида қабул қилиндим, - дейди Самарқанд давлат университети 1 босқич талабаси Маржона Нарзуллаева. Талабалик бахтига муяссар бўлганимдан жуда ҳам ҳаяжондаман. Ҳозир буни сўз билан ифодалаб беролмайман. Мен келажагимни Самарқанд давлат университети билан боғлаганимдан фахрланаман.
- Самарқанд давлат университетига иккинчи йил ҳужжат топшириб, хотин-қизларга ажратилган квота асосида давлат гранти билан талаба бўлдим, - дея ўз фикрлари билан ўртоқлашди Самарқанд давлат университети 1 босқич талабаси Умида Ҳасанова. Президентимиз ташаббуси билан ажратилган ушбу квота менга ўхшаган талаба бўлиш орзусидагилар учун катта имкониятдир. Ёшларимизга шундай имкониятлар яратиб берилаётган экан, биз шижоат билан, катта ташаббуслар билан олдинга ҳаракат қилмоғимиз, яхши ўқишимиз даркор.
Отабек Саъдуллаев,
Самарқанд давлат университети
Ахборот хизмати ходими,
Шавкат Акрамов олган суратлар.
Самарқанд давлат университети
Ахборот хизмати ходими,
Шавкат Акрамов олган суратлар.
