Ижтимоий тармоқларда фойдаланувчилар Миллий тикланиш партияси марказий кенгаши раҳбари ўринбосарининг таклифини муҳокама қилмоқда. Бу ҳақда EVERYDAY.UZ мухбири хабар қилди.
Мавжуд маълумотларга кўра, Феруза Муҳаммаджонова партия позициясини айтиш билан бирга Ўзбекистонда TikTok’ни блоклашни таклиф қилган. Муҳаммаджонова Навоийда жонли эфир вақтида сўкинган мактаб қизларини мисол қилиб кўрсатиб, TikTok ёшлар онггига салбий таъсир қилишини айтган.
Бундан ташқари, партия вакили мактабларда ўқувчиларни тарбиялаш билан боғлиқ муаммолар борлигини таъкидлаган. Муҳаммаджонова шунингдек, вояга етмаганлар томонидан шундай ишлар содир этилса жавобгарликни кучайтиришни таклиф қилган. Таъкидлаш жоиз, Ўзбекистонда бир неча ойлардан буён TikTok узилишлар билан ишламоқда. Ёшлар TikTok’га VPN орқали уланишмоқда.
