Самарқанд вилояти Самарқанд туманида аҳоли газ йўқлиги учун йўлни тўсиб, норозилик билдирди. Бу ҳақда EVERYDAY.UZ мухбири хабар қилди.
Маълум бўлишича, шу йил 26 сентябрь куни соат 12:10 да Самарқанд тумани «Янгиариқ-1» МФЙ, Чунгул кўчасида яшовчи 13 нафар фуқаро табиий газ йўқлигидан норозилик билдириб, Самарқанд М-37 автомобиль йўлининг 8—9-километрида йўлнинг қатнов қисмига чиқиб, йўлни тўсиб қўйган.
Таъкидланиишча, мазкур маҳалла 2015 йилда газдан узилган ва уларга суюлтирилган газ баллонлари етказиб турилган. Лекин, 2021 йилнинг 29 июлдан бери бу маҳаллага суюлтирилган газ баллонлари олиб келинмаган. Вилоят ИИББнинг маълум қилишича, фуқаролар Самарқанд туман ҳокимияти биносига олиб келиниб, туман ҳокими, вилоят ва туман ИИБ раҳбарияти ҳамда мутасадди ташкилот ходимлари томонидан тушунтириш ишлари олиб борилган.
Суд қарорига кўра икки нафар ташкилотчига 5 суткадан маъмурий қамоқ жазоси тайинланган, 11 нафарига жарима тайинланган.
