Фейсбук ижтимоий тармоғида Шавкат Мирзиёев номидан соҳта аккаунт очиб, фирибгарлик қилган шахса аниқланди. Бу ҳақда EVERYDAY.UZ мухбири хабар қилди.
Маълум бўлишича, асли сурхондарёлик, Чирчиқда яшайдиган 39 ёшли эркак ушбу аккаунтни бошқарган. У мурожаат қилганларга ўзини Президент Админстрацияси раҳбари деб таништирган ва турли масалаларда, айниқса, уй-жой ва банк кредитлари ажратиш бўйича амалий ёрдам кўрсатишини ваъда қилиб, фуқаролардан 50 минг сўмдан 1,5 млн сўмгача бўлган пулларни пластик картасига ўтказиб олган.
Ҳодиса юзасидан бўлиб ўтган судда фуқарога узил-кесил уч йил муддатга озодликдан маҳрум қилиш ва уч йил муддатга бутунжаҳон интернет тармоғидан фойдаланишни чеклаш жазоси тайинланган.