Тошкент вилоятида қалбаки пул ясаганлар ушланди. Улар шу пайтга қадар қалбаки 100 минг сўмлик купюраларнинг 210 миллион сўмини муамолага киритишга улгурган.
Маълум бўлишича, Олмалиқда 33 ёшли эркак 500 дона қалбаки 100 минг сўмлик пулларни сотаётганда ушланган. Кейинчалик эркакнинг уйи текширилганда 2,6 миллион сўмни ташкил қилувчи 100 минг сўмлик қалбаки пуллар топилган.
Дастлабки тергов давомида ушбу пулларни пскентлик 22 ва 20 ёшли йигитлар ясагани маълум бўлди. Улар ушланган. Ҳолат бўйича жиноий иш қўзғатилган.
