“Ойлик камлиги ёки “сокращение” сабаб эмас” – Антимонополия қўмитасидан ходимлар ёппасига ишдан кетгани сабаби маълум қилинди

Аввалроқ тармоқларда Монополияга қарши курашиш қўмитаси ходимлари ёппасига иш ташлагани ҳақида хабарлар тарқалган эди. Марказий аппаратнинг айрим бошқарма бошлиқлари ишдан кетгани ва ўша жойлар вакант бўлиб қолгани айтилган эди.

Кун нашрининг ёзишича, ходимларнинг ишдан кетишига ойлик маоши камлиги ёки “сокращение” сабаб бўлмаган. Нашр билан суҳбатлашган қўмитанинг собиқ ходими бу ҳақда гапирган.

Қўмита сўнгги вақтда жиддий иш билан шуғулланганини кўрдингизми? Олдин биз бошқача ишлар эдик. Бизда кўп ваколатлар бўлганига қарамай, улардан фойдаланмадик ва ишончни оқламадик. Биз ойлик сабаб қўмитадан кетмадик. Сабаби олдин 2,5 миллион сўм ойликка ҳам ишлаганмиз. Апрелдан бошлаб марказий аппаратда ички низолар бошланди. Кўплаб ходимлар ишдан кетди. Ҳозир марказий аппаратда 10та бошқарма бошлиғи вакант турибди, – дейди собиқ ходим.