Ўзбекистонда Афғонистон фуқароларининг мамлкатда бўлиш тартиби ҳақида маълумот берилди. Бу бўйича маълумот Кун нашрига миграция бошқармаси бошлиғи Авазхон Раҳматуллаев томонидан тақдим этилди.
Раҳматуллаевнинг сўзларига кўра, Афғонистон фуқаролари Ўзбекистонда 30 кун давомида визасиз юриши мумкин бўлган фуқаролар таркибига кирмайди. Афғонистон фуқаролари учун Ўзбекистонда бўлиб туриш учун алоҳида тартиб йўқ. Улар бошқа мамлакат фуқаролари каби Республикамизга ташриф буюриши мумкин.
Ўзбекистонга келган Афғонистон фуқаролари 2 кун ичида (агар меҳмонхонада яшаса) ёки 3 кун ичида (агар қариндошиникида бўлса) миграция хизматига мурожаат қилиши керак. Ҳозирги кунда Ўзбекистонда Афғонистоннинг 17 466 нафар фуқароси вақтинча бўлиб турибди. Доимий асосда эса 626 нафар афғон яшамоқда.
