Коррупцияга қарши курашиш агентлиги Тиббиёт ходимларининг касбий малакасини ривожлантириш марказининг кўп тармоқли клиникасида бюджет маблағларининг ишлатилиши юзасидан текширув ўтказди. Бу ҳақда EVERYDAY.UZ мухбири хабар қилди.
Ўрганиш давомида бир қатор хатоликлар кузатилди. Хусусан, маблағларни ўғирлаш, “ўлик” штатларга ойлик тўлаш, тиббий буюмларнинг мақсадсиз ишлатилиши ва давлат харидларида бир қатор хатоликлар аниқланган.
Текширув якуни бўйича 9 млрд 747 млн 598 минг сўм молиявий хатолик ва клиникалар фаолиятида етишмовчиликлар маълум бўлди. Бундан ташқари, 586 млн 798 минг сўм бюджет пуллари талон-тарож қилингани аниқланди. Таъкидланишича, ушбу ҳолатлар юзасидан мансабдорларга нисбатан ЖКнинг 167-моддаси 3-қисми "а" банди билан жиноят иши қўзғатилган. Дастлабки тергов олиб борилмоқда.
