Тошкент вилоятида «Тошкент сув таъминоти» Олмалиқ шаҳар филиали бошлиғи ва ходими пора билан қўлга тушди. Бу ҳақда EVERYDAY.UZ мухбири хабар қилди.
Маълум бўлишича, раҳбар И.Ш. филиалнинг етакчи муҳандиси Ф.К. билан тил бириктириб тадбиркордан савдо мажмуасини қуришга ишлатилаётган сув учун расмийлаштирилган баённомани базага киритмасликни ваъда қилиб, хизмат ҳақи сифатида 2 минг доллар сўраган.
Ходим Ф.К. айтилган пулнинг 1000 долларини олаётганда ушланган. Ушбу ҳолат юзасидан ЖКнинг 210-моддаси (пора олиш) билан жиноят иши қўзғатилган. Тергов давом этмоқда.
