Пойтахтда йигит қизнинг интим видеоларини тарқатиб юбориш билан қўрқитиб, 5000 доллар талаб қилди. Бу ҳақда EVERYDAY.UZ мухбири хабар қилди.
Маълум бўлишича, Тошкентда йигит бир қиз билан интернетда танишиб қолиб, уни яхши кўриб қолган. Сўнгра муносабатлар чуқурлашиб кетганидан йигит қизнинг яланғоч ҳолатдаги видеоларини олишга ҳам эришган. Шундан сўнг йигит қизга уйланмоқчи бўлганида қизнинг ота-онаси уни бошқа бир йигитга унаштириб қўйишган. Маълум бўлишича, йигит севганига ета олмагач, алам устида унга “шантаж” қилган. Йигит қизга ҳалиги видеоларни 5000 доллар бермаса тарқатиб юборишини айтган. Бу орада қиз 2,5 минг доллар бера олишини айтиб, пулларни йигитнинг танишига бераётганда у ҳуқуқ тартибот органлари ходимлари томонидан ушланган.
Таъкидланишича, йигитга суд қарорига кўра 4 йилга озодликдан чеклаш жазоси тайинланган.
