Аввалроқ пойтахтлик фуқаро Зиёда Латипова Тошкент шаҳар ҳокимлигига Mercedes Benz S500 Hybrid автомобилини совға қилгани ҳақида ёзган эдик. Совғани қабул қилиб олиш бўйича ҳоким имзоси қўйилган ҳужжат фотоси тармоқларда кенг тарқалди.
Антикоррупция агентлиги совға билан боғлиқ ҳолатни ўрганади. Агентлик текширувга 15-30 кун керак бўлишини таъкидлади.
Агентлик текширув натижаси бўйича расмий маълумот беради. Таъкидлаш жоизки, ўзбекистонликлар аввалроқ ушбу ҳолатни ўрганиш кераклигини ёзишган эди. Фуқароларнинг фикрича, аёлнинг 200 000 долларлик машинани ҳокимликка совға қилиб юбориши жуда ғалати ҳолат касб этмоқда.
