Ўзбекистонда Бош прокуратура мансабдори йирик миқдорда пул олаётганда қўлга тушди. Бу ҳақда EVERYDAY.UZ мухбири хабар қилди.
Таъкидланишича, ҳуқуқ тартибот органлари томонидан ўтказилган тадбирда Бош прокуратура бошқарма бошлиғи ўринбосари А.Т. Олмалиқда прокурор бўлиб ишлаган вақтида тадбиркор тендерни қонуний ютиб олсада “сенга мен ёрдам” бердим дея ундан рағбат талаб қилиб келган.
Маълум бўлишича, А.Т. 22 ноябрда меҳнат таътилига чиққан. Сўнгра, 5 декабрь куни соат 22:00 ларда Миробод туманидаги ресторанда ўша тадбиркордан 29 минг доллар олаётганда ушланган. Ҳолат юзасидан ЖКнинг 168-моддаси 4-қисми "а" банди (Фирибгарлик) билан жиноят иши қўзғатилган. А.Т. ҳибсга олинган.
