Бугун эрта тонгда Урганч аэропортида самолётлар учиб кета олмади ва қўниш имконияти бўлмади. Бу ҳақда EVERYDAY.UZ мухбири хабар қилди.
Маълум бўлишича, кучли туман сабаб Москвадан келаётган самолёт соат 06:40ларда аэропортга қўна олмаган ва Нукусга йўналтирилган. Тошкентдан Хоразмга соат 08:20 ларда йўналиши керак бўлган бошқа бир рейс эса ҳали ҳануз пойтахтда экани маълум бўлди. Ушбу самолёт кейинчалик Урганчдан Истамбулга қараб учади. Лекин Урганчда кучли туман бўлмоқда. Кўриш масофаси 200 метрдан 400 метрга яхшиланди. Синоптиклар маълумотига кўра, туман соат 11:00 – 11:30ларда тарқалади. Таъкидлаш жоиз, самолётлар учиши учун хавфсиз кўриш масофаси камида 800 метрдир.
Шунингдек, кучли туман Тошкентдан Андижонга учиши керак бўлган самолётни ҳам тўхтатиб қолди. Самолёт соат 08:30да учиши керак эди. У таҳминан 12:00 ларда учиб кетиши маълум қилинди.
