Ўзбекистонда Бош прокуратура бошқарма бошлиғи ўринбосари ушланди. Бу ҳақда ОАВДа хабарлар тарқалди.
Маълум бўлишича, ушбу лавозимда ишлаган Ш.В.га нисбатан ЖКнинг 168-моддаси 3-қисми “а” банди (Фирибгарлик), 28, 211-моддаси 1-қисми (Пора бериш) билан жиноий иш қўзғатилган ва ушланган. Шунингдек, Ш.В.нинг қариндошига нисбатан 212-моддаси 1-қисми (Пора олиш-беришда воситачилик қилиш) билан жиноят иши қўзғатилган.
Таъкидланишича, жиноий иш Бош прокуратура тизимидаги 71-202-08-28 рақамига келиб тушган қўнғироқдан сўнг қўзғатилган. Маълум қилинишича, мансабдор қариндошининг танишига нисбатан Бухоро вилоятида очилган жиноий ишни ҳал қилиб бериш учун 3000 доллар сўраган. Эслатиб ўтамиз, аввалроқ Бош прокуратура мансабдори 29 минг доллар пул олганда ушланган эди.
