Тошкент вилояти Оққўрғон туманида ташкилот ходими ўз хонасида гиёҳвандлик моддаси сақлагани маълум бўлди. Бу ҳақда EVERYDAY.UZ мухбири хабар қилди.
Маълум бўлиишча, хусусий ташкилотда автотранспорт воситаларига лицензия бериш билан шуғулланган 35 ёшли фуқаро ўз ишхонасидаги идишда ва ёнидаги 1000 сўмлик пулда гиёҳванд модда сақлаган. Ҳуқуқ тартибот органлари ходимлари томонидан 8 декабрда олиб борилган тадбирда бу маълум бўлган.
Таъкидланишича, эркак айбини яшириш учун ходимларга 500 доллар ҳам таклиф қилган. Тадбир давом эттирилиб фуқаро айтилган пулнинг 5 млн сўмини масъул шахсга бераётганда ушланган.
Унга нисбатан ЖКнинг 211 ва 276-моддалари билан жиноий иш қўзғатилган. Тергов ҳаракатлари олиб борилмоқда.
