Пойтахт мамъмурияти 1160та янги бекатлар қуришни режалаштирмоқда. У ерда текин Wi-Fi, телефон учун “зарядка” ва бошқа кўплаб қулайликлар бўлади. Шу билан бирга, у ерда барчанинг жонига теккан дўконлар бўлмайди.
Бу пойтахтда транспортни ривожлантириш концепциясида кўзда тутилган.
Хусусан, Тошкентда 2022 йилда 280та бекат, 2023 йилда 260та бекат, 2024 йилда 300та бекат ва 2025 йилда 320та бекат қурилади. Уларни ташкил этишга 26 млрд сўм ажратилади.
Бекатлар қуйидагилар билан жиҳозланади.
- Имконияти чекланганлар ҳаракатланиши учун керакли жиҳозлар
- Текин Wi-Fi
- Йўналишларни кўрсатиб турувчи электрон табло
- Замонавий ва қулай ўриндиқлар
- Мобиль телефонларни қувватлаш жиҳозлари
- У ерларда савдо нуқталарини қўйиш тақиқланади.
Бундан ташқари, метро, автобус ва йўналишли такси бекатларини бирлаштирувчи сўнгги бекатлар ҳам қурилади.
