Наманган вилоятида Чуст тумани ҳокими Бекзод Ҳамдамовнинг хизмат автомашиналари доимий асосда йўл қоидаларини бузиб келиши маълум бўлди. Бу ҳақда Кун нашри хабар қилди.
Нашрнинг ёзишича, ҳокимнинг Cobalt ва Nexia-3 автомобиллари ЙҲҚни 31 марта бузган. Жарима миқдори 13,5 млн сўмни ташкил қилмоқда. Жарималар орасида 2018 йилгиси ҳам бор.
Бундан ташқари, маҳаллий МЧЖга тегишли Trailblazer автомобили ҳам ҳокимнинг норасмий машиналардан бири экани айтилмоқда. Ушбу автомобилда умумий қиймати 6 млн 425 минг сўм бўлган 9та жарима борлиги таъкидланди. Жарималарнинг аксарияти тезликни оширгани учун белгиланган. Кўплаб қоидабузарликларга қарамай, ҳокимнинг автомобиллари жарима майдончасига юборилмаган.
