Ижтимоий тармоқларда “Жиззах сув таъминоти” ходими ёрилган қувурни скотч билан ямагани акс этган видео тарқалди. Тармоқ фойдаланувчилари ушбу ҳолатни кескин танқид қилиб, “ЖКХ” фаолиятини шу йўл билан баҳолаш мумкинлигини айтган.
Таъкидланишича, видеодаги ходим ҳақиқатдан ҳам ушбу корхонада фаолият юритади. Ташкилот вакиллари бу шунчаки синов учун қилинганини айтишган. Маълум бўлишича, ходимлар қувурда пайвандлаш ва бошқа керакли ишларни қилиб бўлгач, уни синаб кўришган. Шу вақтда кучли босим сабаб қувурда ёрилиш пайдо бўлган ва уни вақтинча скотч билан ўраб туришган.
Синовдан сўнг барчаси бартараф этилган ва қувур ўзининг махсус мосламалари ёрдамида қайта ямалган.
