Аввалроқ Жиззах вилояти ҳокимининг собиқ ўринбосари Акрам Раҳмонқуловга нисбатан жиноят иши қўзғатилгани ҳақида хабар қилган эдик. Унга нисбатан иш жорий йил бошидан очилган.
Дарё нашрининг ёзишича, Бош прокуратура бу бўйича маълумот тақдим этган. Унга кўра, собиқ мансабдорга қўзғатилган иш июнь ойида якунланган ва Тошкент вилоят судига юборилган.
Таъкидлаш жоиз, Раҳмонқуловга нисбатан ЖКнинг 167-моддаси (ўзлаштириш ёки растрата йўли билан талон-торож қилиш) 3-қисми, 205-моддаси (ҳокимият ёки мансаб ваколатини суиистеъмол қилиш), 209-моддаси (мансаб сохтакорлиги) ва 243-модда (Жиноий фаолиятдан олинган даромадларни легаллаштириш) бўйича айблов эълон қилинган.
