Аввалроқ Жиззах вилоятининг собиқ ҳокимига нисбатан жиноий иш қўзғатилгани ва иш ҳукм чиқариш учун Тошкент вилоят судга юборилгани ҳақида хабар қилган эдик.
Маълум бўлишича, суд собиқ мансабдорга нисбатан ҳукм ўқиган. Унга кўра, Акрам Раҳмонкулов ЖКнинг 167-моддаси 3-қисми «а», «в» бандлари (ўзлаштириш ёки растрата йўли билан талон-торож қилиш), 184-моддаси 3-қисми (солиқлар ёки бошқа мажбурий тўловларни тўлашдан бўйин товлаш), 189-моддаси 1-қисми (савдо ёки хизмат кўрсатиш қоидаларини бузиш), 205-моддаси 2-қисми «а», «б» бандлари (ҳокимият ёки мансаб ваколатини суиистеъмол қилиш), 207-моддаси 1-қисми (мансабга совуққонлик билан қараш), 209-моддаси 2-қисми «а», «б» бандлари (мансаб сохтакорлиги) ва 243-моддалари (жиноий фаолиятдан олинган даромадларни легаллаштириш) билан айбли деб топилган ва 7,5 йилга озодликдан маҳрум қилинган.
У шунингдек, 2 йил муддатга мансабдорлик ва моддий жавобгарлик лавозимларида ишлаш ҳуқуқидан маҳрум қилинган ва БҲМнинг 500 баравари миқдорида (111 млн 500 минг сўм) жарима тайинланган.
