Пойтахт метросида йўловчилар учун қулайликлар яратиш мақсадида ҳожатхоналар қурилади. Бу ҳақда “Тошкент метрополитени” хабар қилди.
Маълум бўлишича, тажриба тариқасида “Чилонзор” бекатида ҳожатхона қурилмоқда. Агар бу ўзини оқласа, ҳожатхоналар бошқа бекатларда ҳам қурилади.
Шунингдек, “Тошкент метрополитени” ҳозирда аҳолига қулайлик яратиш мақсадида айрим бекатларда тиббий пунктлар борлигини ва ерусти метросида имкоияти чекланганлар учун лифт ҳамда эскалаторлар ишлаётганини маълум қилиб ўтди.
