Ижтимоий тармоқларда ЙПХ ходими ҳайдовчининг мастлигини стакан ёрдамида аниқламоқчи бўлгани акс этган видео тарқалди. Бу ҳақда EVERYDAY.UZ мухбири хабар қилди.
Маълум бўлишича, воқеа Мирзаобод туманида содир бўлган. Ходим О.Эгамбердиев "Lacetti" ҳайдовчисининг мастлигини стакан ёрдамида аниқламоқчи бўлган.
ЙҲХББнинг маълум қилишича, ходим ушбу ҳаракати билан тегишли низомни ва ИИВ вазирининг айрим меъёрий буйруқлари талабларини бузган. Шу сабабга кўра ходимга "Ҳайфсан" интизомий жазоси қўлланилган.
