Аввалроқ Наманганда Янги йил байрамидан қайтаётганлар видеоси тарқалгани ва бу бўйича изоҳ берилгани ҳақида ёзган эдик. Ички ишлар вазирлиги матбуот котиби Шохруҳ Ғиёсов ўша ҳолат нотўғри талқин қилинаётганини айтди. Бу ҳақда EVERYDAY.UZ мухбири хабар қилди.
Ғиёсов тарқалган видео одамлар гўёки “намойишлар” уюштирганлиги сифатида тарқатилаётганини маълум қилди. Матбуот котиби ўз навбатида ОАВ вакилларидан пиар учун уни нотўғри талқин қилмасликни сўраб қолган. Бу ҳолат аҳоли орасида хавотирли вазиятларни келтириб чиқариши мумкинлиги таъкидланди.
Эслатиб ўтамиз, видеодаги ҳолат 31 декабрда тасвирга олинган бўлиб, унда фуқаролар Наманган шаҳрининг “Афсоналар водийси” боғидаги байрам тадбиридан қайтаётгани акс этган. Ҳудудда норозилик чиқишлари ва намойишлар ҳамда кўнгилсиз холатлар содир бўлмагани маълум қилинган эди.
