Наманган вилоятида аёл ҳали туғилмаган фарзандини сотмоқчи бўлди. Бу ҳақда EVERYDAY.UZ мухбири хабар қилди.
Маълум бўлишича, Учқўрғон туманида яшовчи 32 ёшли аёлнинг уч нафар фарзанди бўлган ва тўртинчисига ҳомиладор бўлган. Ҳомила 5 ойлик бўлган. Аёл фарзандни дунёга келтиришни истамаган. Лекин шундай бўлса-да бу орқали мўмай даромад олишни мақсад қилган. Аёл фарзандга тумандан “харидор” топган ва ундан бола учун уй талаб қилган. Нариги томон бунча молиявий имконияти йўқлигини, лекин минг доллар бера олишини маълум қилган. Аёл бунга рози бўлган.
Таъкидланишича, аёл 6 январь куни айтилган пулнинг 500 долларини олаётганда ушланган. Ҳолат юзасидан тергов ҳаракатлари олиб борилмоқда.
