Пойтахт Тошкентда Сурияга бориб, жангарилар сафига қўшилишни режа қилган талаба ва икки нафар ўқувчи ушланди. Бу ҳақда EVERYDAY.UZ мухбири хабар қилди.
Маълум бўлишича, 2001 йилда туғилган талаба Оксфорд университетининг Тошкент шаҳридаги филиалида таҳсил олади. Икки нафар ўқувчилар эса 2003 йилда туғилган ва улар Намангандаги мактаб ўқийди. Таъкидланишича, уларнинг ҳар бирининг Телеграмдаги каналида 300га яқин обуначиси бўлган ва у ерда улар халқни жиҳод қилишга ва Сурияда қийналаётганларга ёрдам беришга чақирлган.
Айбланувчилар ушбу ишни қилганлардан Сурияга бориш тартиби, йўл-йўриқларини ўрганган. Улар дастлаб Туркияга, сўнгра Сурияга боришни режалаштирган. Ушбу ёзишмалар акс этган сурат ҳам борлиги таъкидланди. Ёш йигитлар ҳатто у ерларга бориш чипта нархини ҳам суриштирган.
Иш юзасидан бўлиб ўтган судда уларнинг бирига 5 йил-у 6 ой, икки нафарига эса 6 йилга озодликдан маҳрум этиш жазоси тайинланган.
