Бухоро вилояти Қоракўл тумани мудофаа бўлими бошлиғи Отабек Ёдгоров 100 АҚШ доллари ва 12 бош курка боласини пора тариқасида олаётганда ушланган эди. У 2021 йилнинг сентябрь ойида фуқарони алдаб, уни вилоят мудофаа бошқармаси сафарбарлик чақирув резерви бўлими нозири вазифасига ишга жойлаштиргани учун пора олган.
Таъкидланишича, унга суд ҳукми ўқилган. Суд қарорига кўра, 45 ёшли собиқ мансабдорга 3 йил мансабдорлик ва моддий жавобгарлик ишларида ишлаш ҳуқуқидан маҳрум қилган ҳолда 1 йил муддатга озодликдан маҳрум қилиш жазоси тайинланган.
У жазони манзил колонияларида ўтайди.