Фарғона вилояти Қувасой туманида ҳоким ёрдамчилари вилоят ҳокими Хайрулло Бозоров билан учрашди. Учрашув давомида ҳоким тадбиркорлар учун шароитни яхшилаш бўйича топшириқ берди.
Бозоров ҳоким ёрдамчилари маълумотлар йиғиш ва статистика билан шуғулланмаслиги кераклигини айтди. Вилоят ҳокимининг фикрича, ҳоким ёрдамчилари аҳоли билан мулоқот қилиши ва ўз ишларини очишда ёрдам беришлари керак.
Учрашув якунида ҳоким ёрдамчилари керакли топшириқларни олди. Бундан ташқари, улар узоқ ҳудудларга тезда етиб олишлари учун скутерларни қабул қилиб олди.
