ДХХ томонидан ўтказилган тезкор тадбир натижасида Ўзбекистондан 1 млн 641 минг 106 АҚШ долларининг ноқонуний олиб чиқиб кетилишининг олди олинган. Бу ҳақда EVERYDAY.UZ мухбири хабар қилди.
Маълум бўлишича, Андижон вилояти Қўрғонтепа туманида 32 ёшли фуқаронинг Дамаси тўхтатилиб текширилганда, ичидан 968 минг 900 АҚШ доллари топилган. Шунингдек, унинг шериги, 1964 йилда туғилган, муқаддам судланган фуқаронинг Дамаси текширилганда эса 672 минг 206 АҚШ доллари топилган. Пуллар Ўзбекистондан олиб чиқилиши керак бўлган.
Кейинчалик аниқ бўлишича, ушбу жиноий гуруҳга 1974 йилда туғилган қирғизистонлик шахс раҳбарлик қилган. У Тошкент шаҳрида қўлга олинган. Шунингдек, гуруҳнинг 5 нафар аъзоси (барчаси қирғизистонлик) Андижонда ушланган. Ҳолат юзасидан ЖКнинг 182-моддасининг 2-қисми «а» банди билан жиноят иши қўзғатилган. Тергов олиб борилмоқда.
