Тармоқларда бола йўлнинг қатнов қисмида, иккита йўлни ажратиб турган бетон тўсиқ устида палов егани акс этган видео тарқалди. Тошкент шаҳар ИИББ бу бўйича изоҳ берди.
Таъкидланишича, видеодаги йигит вояга етмаган 2004 йилда туғилган С.О. бўлган. У ушбу воқеани Шайхонтоҳур туманида 31 январь куни соат 10.00ларда содир этган. Вояга етмаган бола ушбу ҳаракати билан ўзининг ва атрофдагиларнинг ҳаётини хавф остига қўйган ва жамиятда юриш-туриш қоидаларини қасддан менсимаган.
Маълум қилинишича, ҳуқуқ тартибот органлари бола билан профилактик суҳбат ўтказган ва унинг унинг онасига МжТКнинг 47-моддасига (“Болаларни тарбиялаш ва уларга таълим бериш борасидаги мажбуриятларни бажармаслик”) асосан маъмурий баённома расмийлаштирилган.
