“Футболга қизиқамиз, лекин клуб очадиган даражага етиб келмадик” – Комил Алламжонов

Миллий масс-медиани қўллаб-қувватлаш ва ривожлантириш жамоат фонди Васийлик кенгаши раиси Комил Алламжонов Навбаҳор футбол клубига мурожаат қилди. Бу ҳақда EVERYDAY.UZ мухбири хабар қилди.

Алламжонов Наманган жамоасининг янги логотипи у раҳбарлик қилаётган фонднинг логосига жуда ўхшаш. Унинг сўзларига кўра, унда фақатгина бургутлар жойлашуви ҳар хил холос. Масс-медиа раҳбари клуб раҳбариятидан ушбу логони зудлик билан алмаштиришни сўраган.

Агар буни зудлик билан алмаштирмасангиз, клуб Алламжоновга ўтиб қолди, деган гаплар ҳам чиқади эртага. Тўғри, биз футболга қизиқамиз, лекин клуб очадиган даражага етиб келмадик, – дейди Алламжонов.