Андижон вилояти Асака туманида 10 га яқин кўп йиллик дарахт кесиб кетилди. Бу ҳақда EVERYDAY.UZ мухбири хабар қилди.
Маълум бўлишича, дарахтлар Асаканинг энг серсоя ҳудудида кесилган. Аввал ушбу ҳудуд чойхонага тегишли бўлган, кейинчалик эса уни шифохонага айлантириш учун, қурилиш бошлаб юборилган. Таъкидланишича, у ерда каштан, арча ва элдор қарағайлари кесилган.
Гувоҳлар дарахтларни мебель ишлаб чиқарувчилар кесиб кетганини айтган. Бош прокуратура ушбу ҳолат ҳозирда ўрганилаётганини, натижаси бўйича маълумот берилишини маълум қилган.
