Тошкентда 33 ёшли Бош прокуратура ходими ўтган йилнинг апрель ойида вафот этган эди. Ушбу ҳодисадан сўнг марҳумнинг отаси ўғли иш фаолияти давомида вафот этганини даъво қилиб, унинг 4 нафар фарзанди ва турмуш ўртоғига нафақа тўланмаётганини айтиб судга мурожаат қилган эди.
ФИБ Миробод туманлараро суди томонидан даъво аризаси қаноатлантиришдан рад этилган. Сўнгра ота Тошкент шаҳар судига апелляция шикояти киритган. Улар эса ўз навбатида Миробод судининг қарорини ноқонуний деб топиб, уни бекор қилган ва яна қайтадан кўриш учун ишни Миробод судига юборган. Таъкидланишича, айни иш кўрилаётган вақтда Самирнинг отаси Аъзамжон Раҳмонов ҳам вафот этган.
Юрист Саидали Мухторалиев эса ўз навбатида Бош прокуратурадан марҳумнинг оиласи учун 6 йиллик ўртача иш ҳақи миқдоридаги нафақа тўловларини судсиз ҳам тўлаб беришни тавсия қилган.
