Кеча, 8 февраль куни тармоқларни “портлатган” мавзу юзасидан иккита ҳоким муносабат билдирди.
Гап шундаки, Андижон вилоятининг Марҳамат туманидаги мактабда ўқитувчилар ўқувчилар паст кўрсаткич қайд этаётгани учун ота-оналар олдида тик турган ҳолда узр сўраган. Шундан сўнг ушбу хабар тармоқларда кескин муҳокамаларга сабаб бўлди ва аксарият фойдаланувчилар ўқитувчиларнинг ёнини олди. Ушбу ҳодисага ҳатто Масс-медиа фонди раиси Комил Алламжонов ҳам муносабат билдириб, воқеа юзасидан вилоят ҳокимининг шахсан ўзи узр сўраш кераклигини айтди.
Тармоқларда ушбу мавзу “ёнгач” вилоят ҳокими Шуҳрат Абдураҳмонов бунга муносабат билдирди. У устозлар олдида таъзим қилишини айтиб, ушбу ишга бош-қош бўлганлар жазоланишини таъкидлади.
Шундан сўнг воқеа содир бўлган ҳудуд, Марҳамат тумани ҳокими Бобур Юлдашев ҳам бунга муносабат билдириб, барча устоз-мураббийлардан узр сўраган.
