Тошкент вилояти Чиноз тумани ҳокимининг иқтисодий масалалар бўйича биринчи ўринбосари пора билан қўлга тушди. Бу ҳақда EVERYDAY.UZ мухбири хабар қилди.
Маълум бўлишича, у танишлари орқали Оққўрғон туманидаги суғориладиган 35 гектар ерни фуқарога олиб беришни ваъда қилиб, 90 минг доллар сўраган.
Мансабдор айтилган пулнинг 40 мингини олаётганда қўлга олинган. Унга нисбатан ЖКнинг 229-6-моддаси (Суғориладиган ер участкасига ёки унинг бир қисмига бўлган ҳуқуқни сотиш ёхуд қонунга хилоф равишда бошқача тарзда ўзга шахсга бериш) билан жиноят иши қўзғатилган.
