Ўзбекистон раҳбари Шавкат Мирзиёев бугун, 10 февраль куни Самарқанд вилоятига келди. Бу ҳақда EVERYDAY.UZ мухбири хабар қилди.
Президент Самарқанддаги амалга оширилиши режалаштирилган янги лойиҳалар билан танишди. Давлат раҳбари танишув жараёнида тирбандликлар олдини олиш, тезликни камайтириш кераклигини таъкидлади. Мирзиёев ЙТҲлар оқибатида кўплаб инсонлар ҳалок бўлаётганини ҳам қўшимча қилди.
Ўзбекистон раҳбари Самарқандда ҳозирда трамвайлар борлигини, уни Тошкентга ҳам қайтирилишини ва бу бўйича кўплаб хатлар ҳамда мурожаатлар келаётганини алоҳида таъкидлади.
Шунингдек, яқинда пойтахтда тезлик кўпи билан 60 километр/соатгача белгиланиши бўйича қарор чиқишини маълум қилди.
