Фарғона вилоятида 24 ёшли йигит «жиҳод»га чорловчи маъруза ва террористик ташкилот материалларини тарқатди. Бу ҳақда EVERYDAY.UZ мухбири хабар қилди.
Маълум бўлишича, йигит Содиқ Самарқандий, Абу Салоҳ, Абдуллоҳ Зуфар ва бошқаларнинг «жиҳод»га чорловчи маърузаларини ва «Туркистон ислом ҳаракати» террористик ташкилотининг аудио ҳамда видеоматериалларини телеграм орқали юклаб олган. Сўнгра у буларни Қўқондаги танишларига тарқатган.
ДХХ томонидан ўтказилган тадбирда йигит ушланган. Таъкидланишича, экспертиза натижасига кўра йигитнинг телефонида ҳақиқаттан ҳам ақидапарастлик ғоялари билан йўғрилган материаллар бўлган. Таъкидлаш жоиз, қонунчиликка кўра бундай материалларни Ўзбекистон ҳудудида сақлаш ва тарқатиш мумкин эмас.
Йигитга нисбатан жиноий иш қўзғатилган. Ҳозирда унинг маслакдошларини аниқлаш бўйича тегишли ишлар амалга оширилилмоқда.
