Жиззах вилоятида декан ўз лавозимида қолиш учун 100 минг доллар беришга мажбур бўлди. Бу ҳақда EVERYDAY.UZ мухбири хабар қилди.
Маълум бўлишича, Жиззах давлат педагогика институтининг таълим сифатини назорат қилиш бўлими бошлиғи ўтган йилнинг октябрь ойида ОТМдаги факультетлардан бирида текширув ўтказган. Ушбу жараёнда факультет фаолиятида камчиликлар аниқланган. Шундан сўнг бўлим бошлиқ текширув натижаси деканнинг фаолиятига салбий таъсир қилмаслиги ва унинг лавозимида қолиши учун 100 минг доллар сўраган. Фуқаро пулларни воситачи орқали олаётган вақтда қўлга олинган.
Ҳолат юзасидан ҳуқуқ тартибот органлари томонидан керакли ишлар олиб борилмоқда.
