Хабар қилганимиздек пойтахт метросида ҳожатхона иш бошлади. Ҳозирча Чилонзор метро бекатидаги ҳожатхона ишлаб турибди.
Маълум қилинишича, ҳожатхона Тошкент давлат педагогика университети томонидан кириладиган қисмида жойлашган. Ҳожатхоналар эркак ва аёллар учун алоҳида қилиб қурилган. Шунингдек, аёллар ҳожатхонаси ичида она ва бола хонаси ҳам мавжуд.
Таъкидланишича, ундан фойдаланиш нархи 1500 сўм. Қуйидаги фуқаролар эса бепул киришлари мумкин:
-II Жаҳон уруши қатнашчилари;
- Ногиронлиги бор фуқаролар;
- Чернобил фалокати иштирокчилари;
- Ҳуқуқни муҳофаза қилувчи орган ходимлари ва Ёшлар иттифоқи етакчилари;
- 7 ёшгача бўлган болалар.
Қўшимча қилинишича, агар ушбу ҳожатхоналар керакли натижани берса, улар яна 14та аҳоли гавжум бўладиган метро бекатларига ҳам жорий қилинади.
